ຄຳເຫັນຂອງຂະແໜງການ, ທ້ອງຖິ່ນ ແລະ ບັນດາຫົວໜ່ວຍລັດວິສາຫະກິດ

ໂດຍ: ທ່ານ ປອ ແສນສັກ ສຸລິສັກ
ຮອງເຈົ້າແຂວງສະຫວັນນະເຂດ, ຄະນະຮັບຜິດຊອບປະຕິຮູບລັດວິສາຫະກິດແຂວງສະຫວັນນະເຂດ

ກອງປະຊຸມ: ສະຫຼຸບວຽກງານປະຕິຮູບລັດວິສາຫະກິດທົ່ວປະເທດ ປະຈຳປີ 2025
ວັນທີ: 17 ທັນວາ 2025
ສະຖານທີ່: ຫ້ອງປະຊຸມສູນ ICTC, ນະຄອນຫຼວງວຽງຈັນ

1. ສະພາບລວມຂອງລັດວິສາຫະກິດ

ແຂວງສະຫວັນນະເຂດມີລັດວິສາຫະກິດທີ່ລັດລົງທຶນ 100% ຈຳນວນ 5 ແຫ່ງ ປະກອບມີ:

1. ວິສາຫະກິດນ້ຳປະປາແຂວງ.

2. ວິສາຫະກິດຂຸດຄົ້ນໄມ້ແຂວງ.

3. ວິສາຫະກິດຊົນລະປະທານແຂວງ.

4. ວິສາຫະກິດໂຮງພິມແຂວງ.

5. ວິສາຫະກິດສະບຽງອາຫານແຂວງ.

ໃນນັ້ນ ມີພຽງວິສາຫະກິດນ້ຳປະປາທີ່ຍັງເຄື່ອນໄຫວ ໂດຍໄດ້ນຳເອົາຊັບສິນຄົງທີ່ເຂົ້າຮ່ວມທຶນກັບບໍລິສັດນ້ຳປະປາ DKLS ຈຳກັດ ຈາກປະເທດມາເລເຊຍ ຕັ້ງແຕ່ປີ 2010 ໂດຍລັດຖືຫຸ້ນ 30% ຕາມສັນຍາ 30 ປີ. ສ່ວນອີກ 4 ວິສາຫະກິດໄດ້ຢຸດເຊົາການເຄື່ອນໄຫວມາຫຼາຍປີ ເນື່ອງຈາກບັນຫາເສດຖະກິດ-ການເງິນ ແລະ ປັດໄຈອື່ນໆພາຍໃນປະເທດ ແລະ ພາກພື້ນ.

ນອກຈາກນີ້ ແຂວງຍັງມີການຮ່ວມທຶນກັບພາກເອກະຊົນ 4 ບໍລິສັດ ຄື:

• ບໍລິສັດຫີນກາວ ຄຸນໄຊແຮ່ທາດ ຈຳກັດ: ລັດຖືຫຸ້ນ 30%.

• ບໍລິສັດໂທລະພາບໃຊ້ສາຍ ຈຳກັດ: ລັດຖືຫຸ້ນ 70%.

• ບໍລິສັດສະຫວັນປາຊີຟິກາດີວີລົບເມັນ ຈຳກັດ: ລັດຖືຫຸ້ນ 30%.

• ບໍລິສັດນ້ຳປະປາ DKLS: ລັດຖືຫຸ້ນ 30%.

2. ບັນຫາຫຍຸ້ງຍາກ

ລັດວິສາຫະກິດທີ່ລັດລົງທຶນ 100% ປະເຊີນກັບຫຼາຍບັນຫາ ເປັນຕົ້ນ:

• ສະພາບເສດຖະກິດຜັນຜວນ ແລະ ມີການແຂ່ງຂັນຕາມກົນໄກຕະຫຼາດ.

• ຂາດທ່າແຮງດ້ານການເງິນ, ສະພາບຄ່ອງ ແລະ ຂາດແຫຼ່ງທຶນ.

• ຂາດບຸກຄະລາກອນດ້ານວິຊາການ, ການວາງແຜນ ແລະ ການຕະຫຼາດ.

• ຂາດເຄື່ອງມືການຜະລິດທີ່ກ້າວໜ້າ ແລະ ທັນສະໄໝ.

• ການບໍລິຫານຈັດການທຸລະກິດຍັງບໍ່ເປັນມືອາຊີບ.

ບັນດາປັດໄຈດັ່ງກ່າວເປັນສາເຫດໃຫ້ລັດວິສາຫະກິດອ່ອນແອ, ຢຸດເຊົາການເຄື່ອນໄຫວ ແລະ ຫຍຸບເລີກລົງ.

3. ຂໍ້ສະເໜີ

1. ຟື້ນຟູລັດວິສາຫະກິດທີ່ມີທ່າແຮງ: ເຊັ່ນ ວິສາຫະກິດສະບຽງອາຫານແຂວງ, ວິສາຫະກິດກໍ່ສ້າງຂົວທາງ ແລະ ຊົນລະປະທານ ໂດຍປັບປຸງກົງຈັກ, ບຸກຄະລາກອນ, ລະບຽບການບໍລິຫານ, ການວາງແຜນ, ແຫຼ່ງທຶນ, ການຕະຫຼາດ ແລະ ຄ່າແຮງງານໃຫ້ເໝາະສົມກັບສະພາບຕົວຈິງ.

2. ເພີ່ມສັດສ່ວນການຖືຫຸ້ນຂອງພາກລັດ: ເຈລະຈາກັບບໍລິສັດນ້ຳປະປາ DKLS ເພື່ອເພີ່ມສັດສ່ວນການຖືຫຸ້ນຂອງລັດ ຫຼື ຊອກຫາແຫຼ່ງທຶນມາທົດແທນຄືນໃຫ້ບໍລິສັດ DKLS ເພື່ອນຳບໍລິສັດນ້ຳປະປາກັບຄືນມາໃຫ້ພາກລັດດຳເນີນທຸລະກິດເອງ 100%.

4. ສະຫຼຸບ

ການລາຍງານຂອງທ່ານ ປອ ແສນສັກ ສຸລິສັກ ໄດ້ສະທ້ອນໃຫ້ເຫັນເຖິງສະພາບການດຳເນີນງານ, ບັນຫາຫຍຸ້ງຍາກຂອງລັດວິສາຫະກິດໃນແຂວງສະຫວັນນະເຂດ ພ້ອມທັງສະເໜີແນວທາງຟື້ນຟູວິສາຫະກິດທີ່ມີທ່າແຮງ ແລະ ການປັບປຸງສັດສ່ວນການຖືຫຸ້ນຂອງພາກລັດ.

Powered by Froala Editor